7 Elemente van Kuns: 2-Dimensionele Vorm

Hi, ek is kunstenaar Lillian Gray en vandag se les gaan oor 2-dimensionele vorm.  

2-Dimensionele vorm is een van die sewe elemente van kuns, saam met lyn, toon, tekstuur, kleur, ruimte en 3-dimensionele vorm. 

Absoluut alles om ons is uit vorms gemaak. 

Maar wat presies is ‘n vorm?  Ons dink tipies aan ‘n vorm as ‘n geslote lyn. 

As jy ‘n lyn begin en eindig waar jy begin het, het jy ‘n vorm geskep in kuns.

2-dimensionele vorms is plat en word gedefinieër deur hulle lengte en breedte. 

Ons kry egter 2-dimensionele vorms en ook 3-dimensionele vorms.

Die verskil tussen die twee is dat  2-dimensioneel het slegs 2 dimensies, lengte en breedte waar 3-dimensioneel ‘n 3de dimensie bysit, diepte. 

Vorms speel ‘n belangrike rol in die skep van kuns. Vorms kan ons  help om ‘n tekening te vereenvoudig

maar ook om komplekse kunswerke te skep.  

Vorms affekteer komposisie en die uitleg van ‘n kunswerk en dra ook by tot die balans in ‘n werk.

As kunstenaars gebruik ons baie verskillende vorms, maar alle vorme kan in twee kategorieë verdeel word. 

Geometries vormes of organiese vorms. 

Geometriese vorme is presies en reguit, hulle word dikwels in mens-gemaakte voorwerpe soos geboue en masjinerie gevind. 

Ek hou daarvan om aan hulle te dink as vorms wat met Wiskunde gemaak is, waar jy presiese berekeninge maak.  Hierdie vorme het gewoonlik ‘n spesifieke naam wat met hulle geassosieer word soos vierkante, reghoeke en driehoeke.

Die Suid-Afrikaanse kunstenaar Gordon Froud is mal daaroor om Wiskunde en Kuns te kombineer.  Hy is gefasineerd met geometrie en gebruik baie geometriese vorms in sy kuns.

Froud glo dat geometrie die universiele plan is waaruit die heelal gemaak is.

Organiese vorms ook bekend as biomorfiese vorms.  Hulle word in die natuur gevind.  Hierdie vorme kan dalk lyk soos blare, blomme, wolke. Dink aan dinge wat groei, vloei en beweeg.

Die term biomorf beteken lewensvorm, bio wat lewe beteken en morf wat vorm beteken.

Ograniese vorms is dikwels onreëlmatige vrye vorms.  Dit lyk asof hulle geen reëls volg nie.

Organiese vorms het oor die algemeen nie ‘n spesifieke naam nie.

‘n Goeie voorbeeld van organiese vorms wat in beroemde kunswerke gebruik word, is Henri Matisse se papierreeks.

In die laaste dekade van Matisse se lewe was hy met buikkanker gediagnoseer. Na ‘n operasie was Matisse beperk tot ‘n rolstoel en later bedleend.

Die skep van beeldhouwerke en skilderye het al hoe moeiliker geword vir hom, maar hy het eenvoudig geweier om sy kuns prys te gee.

Toe hy nie meer kon verf nie, het hy begin om papier in verskillende kleure en groottes te sny. 

Hy het ‘n assistent gehuur om hom te help om die papiere aan die mure vas te steek, wat groot kunswerke geskep het. Niks het Matisse se liefde vir kuns gekeer nie.

Statiese vorms en Dinamiese vorms:

Statiese vorms is rustend, dit blyk asof dit glad nie beweeg nie maar net stilstaan. 

Dinamiese vorms het energie, dit lyk asof hulle beweeg, dit voel asof hulle met ‘n stadige ritme vloei of selfs teen ‘n ongelooflike spoed.

Laat ek vir jou ‘n  kunstenaar wys wat dinamiese vorms in sy kunswerk gebruik.

Die Russiese kunstenaar Wassily Kandinsky is bekend daarvoor dat hy musiek en kuns kombineer. 

Hy het abstrakte skilderye geskep, gebaseer op spesifieke musiekstukke. Kandinsky het byvoorbeeld gesê middel c op die klavier geel is, en dat swart die geluid van ‘n trompet is.

Sy kunswerk se vormgebruik voel dinamies, asof dit beweeg met die ritme van die musiek. Luister gou ‘n stukkie Wagner terwyl jy na Kandinsky se kuns kyk. Kon jy die vorms voel beweeg? 

Nog ‘n goeie voorbeeld van kuns wat dinamiese vorms gebruik, is in die kunsbeweging bekend as Futurisme.

Futurisme is ‘n Italiaanse kunsbeweging wat in die vroeë 20ste eeu begin het.  

Terwyl die Impressioniste die industriële rewolusie vermy het, en die Futuriste dit aangegryp.  

Hulle  die moderne wêreld gevier en beoog om Italië van sy verlede te bevry. Die kunswerke het klem gelê op spoed, tegnologie, jeug, geweld en voorwerpe soos motors, vliegtuie en industriële stede.

As jy as kunstenaar wil leer om enige iets te kan teken moet jy leer hoe om alles om jou slegs as vorms te sien.

Daar is net 5 vorms in die wêreld.  Ons kan alles vereenvoudig in hierdie vyf basiese vorms. Leer hoe om hierdie vyf vorms te teken en jy kan enigiets teken.

Hierdie benadering tot tekening verwyder alle angs omdat jy nooit weer ‘n wynglas,

‘n perd 

of ‘n hand hoef te teken nie. 

Ek wil graag vir jou  ‘n beroemde kunstenaar wys wat graag dinge in basiese vorms vereenvoudig het.

Kunstenaar Piet Mondrian het alles rondom hom in primêre kleure en primêre vorms vereenvoudig. Hier kan jy sien hoe hy ‘n boom tot geometriese vorms vereenvoudig het.

Dit was ‘n proses wat hy gedurende sy loopbaan ontwikkel het totdat dit hom tot abstraksie gelei het. Noudat jy weet hoe hy ‘n boom stap vir stap vereenvoudig het, wat dink jy word in hierdie werk vereenvoudig? Kan jy raai wat dit is?

Dit is die besige strate van New York, die gewoel, die ligte van die bekende teater straat – Broadway. 

Hoe ver kan jy dinge vereenvoudig? Laat ek jou ‘n bekende kunstenaar wys wat hoofsaaklik net ‘n sirkel gebruik. Die kunstenaar waarna ek verwys, is Yayoi Kusama.

Sy is absoluut mal oor kolle. Soms word sy ‘die prinses van kolletjies’ genoem. Sy skep verskeie kunswerke soos beeldhouwerke,

skilderye, installasies, modeontwerpe en selfs optredes, en dit is alles met kolletjies bedek.

Dit is ongelooflik om te dink dat een primêre vorm soos ‘n sirkel of ‘n punt so ‘n groot visuele impak kan hê.

Kom ons beweeg aan na die perspektief van vorms.  Vorms verander na gelang van ons oogpunt. Die tegniek wat ons gebruik om hierdie verandering te beskryf, word perspektieftekening genoem.

As kunstenaar moet jy bewus wees van hoe vorms verander wanneer ons ons perspektief verander.

Ons weet dat ‘n Coke blikkie ‘n sfeer is wat van ‘n sirkel gemaak is,

maar as ons dit skuins beskou, word die vorm ‘n ovaal.

Hoe kommunikeer ons met vorms?

Vorms het  spesifieke betekenisse aan hulle gekoppel. Verskillende vorms lok verskeie emosies en reaksies in ons as mense uit. Dit laat ons sekere dinge voel.

Die drie belangrikste vorm emosies is die vierkant wat krag en manlikheid voorstel, 

die sirkel wat positiwiteit, vroulikheid en ewigheid voorstel, 

en die skerp driehoek wat, gevaar en moontlike skade aandui. 

Animasie kunstenaars kommunikeer dikwels met orms.Dit help die kyker om die karakter se geaardheid vinnig vas te stel.

Hier kan ons verskillende karakters sien wat die sirkel as vorm gebruik. Dit wek gedagtes van vrede, vriendelikheid, sagtheid en, veiligheid. 

My gunsteling karakter wat die vierkant verteenwoordig, is die ou man uit die Pixar film Up.

Die vierkant verteenwoordig sy stabiliteit, sy betroubaarheid, sy standvastigheid en onwillighom te verander.

Die driehoek word dikwels gebruik om bose karakters uit te beeld.  Die oomblik toe ons Maleficent en Jafar op die skerm sien, het ons geweet ons kan hulle glad  nie vertrou nie.

Driehoekvorms kan ‘n karakter erg onstabiel en gevaarlik laat voel.


Daar is ook ander maniere om vorms in kunswerke te beskryf.

Dit sluit in figuratiewe vorms, abstrakte vorms, nie-figuratiewe vorms,

simboliese vorms, dekoratiewe vorms en deursigtige, reflektiewe en vae vorms in. 

Kom ons gaan dit een vir een deur.

Figuratiewe vorms: hierdie vorms weerspieel wat ons in die regte wêreld sien. Hulle word met visuele akkuraatheid geteken en is maklik herkenbaar.

Die vorm van die skulp lyk soos ‘n skulp

en die vorm van die kreef lyk soos ‘n kreef.

 Abstrakte vorms is ver verwyderd van die werklike voorkoms daarvan.

Dit is byna onmoontlik om maklik te onderskei wat voorgestel word. Kan jy die perd in hierdie skildery sien? 

Nie-figuratiewe vorms beeld niks in die regte wêreld uit nie soos figure, landskappe of diere nie.

Vorme kan ook dinge uitdruk wat nie sigbaar is nie, soos emosies of gevoelens.

Dan kry ons ook simboliese vorms.

‘n Simbool is ‘n voorwerp of teken wat ‘n identiteit, ‘n geloof of ‘n konsep voorstel, byvoorbeeld die simbool van ‘n kruis kan die Christelike geloof voorstel.

Dekoratiewe vorms is vorms wat hoofsaaklik iets aantrekliker of ornamenteel laat lyk.

Dit sluit ‘n groot verskeidenheid style in wat historiese, geografiese en kulturele grense oorsteek, insluitend Arabiese, Turkse, Persiese, Islamitiese, Indiese, Chinese Japannese en Afrika-ontwerpe. 

Daar is ook deursigtige, reflekterende en vae vorms.

Deurskynende vorms laat lig deur hulle gaan, sodat jy kan sien wat buite hulle lê. 

Reflektiewe vorms weerspieël die lig na ons toe en skep ‘n refleksie.

Vae vorms absorbeer lig, en maak dowe weerkaatsings. 

Nou ken julle een van die sewe elemente van kuns: Vorm. 

Volgende keer as jy ‘n gallery besoek en na ‘n skildery, ‘n foto of ‘n beeldhouwerk kyk analiseer bietjie hoe die kunstenaar vorm in sy of haar werk gebruik het.

Jy moet hierdie kennis ook in jou eie kunswerke toepas. 

Dalk moet jy begin om te leer teken met slegs die 5 basiese vorms.

Breek voorwerpe om jou af in slegs die 5 vorms en sien hoe jou kuns verbeter.  Hoe kan jy nog in jou eie kunswerk met vorm eksperimenteer? 

Daag jouself uit en skep ‘n kunswerk waar jy slegs van geometriese vorms gebruik maak. Doen dan ‘n ander een met slegs organiese vorms.

En dit is ons video oor vorm.

Onthou om in te skakel.  Hou ons dop vir die volgende video.

Besoek ons ​​webwerf en koop ons wonderlike werkkaarte om die sewe elemente te verstaan.

Dit is ‘n uitstekende hulpmiddel om onderwysers tyd te bespaar en help dat studente regtig hoe om die sewe elemente toe te pas. Die skakel na die werkkaarte is in die beskrywing hieronder.

 

Leave a Reply